बेनझीर
बेनझीर घायाळ करणारे सौंदर्य आणि तितक्याच ताकदीचा अभिनय आणि म्हणूनच पहिल्यांदा डोळ्यासमोर येते ती सदमा मधील नेहलता , त्या चित्रपटातील शेवटचा सीन तिच्यातील अभिनय सम्राज्ञी ची पावती देतो . ८३ मध्ये तो चित्रपट बघणे किंवा कळणे शक्य नव्हते . खूप उशिरा तो चित्रपट पहिला आणि अर्थातच तिच्या अभिनयासाठी लक्षात राहीला , नंतर आलेले तिचे अनेक चित्रपट तिच्या लूक्स मुळे लक्षात राहिले मग तो मकसद , नगिना , चालबाज , सल्तनत , हीर रांझा . ८७ मध्ये आलेल्या तिच्या मिस्टर इंडिया तिच्या “ काटे नही कटते ये दिन ये रात ” मधल्या परफॉर्मन्स बरोबर लक्षात राहतो तो तिने रंगवलेला चार्ली चॅप्लिन . त्यानंतर आलेला चांदनी , आधी घरच्यांचा विरोध पत्करून प्रियकराबरोबर जाणारी , त्याच्या अपघातानंतर त्याने त्याच्या एकतर्फी विचाराने सोडून दिलेली , नियतीचा हा तडाखा पचवून आयुष्यात पुन्हा एकदा बोहल्यावर चढण्याची स्वप्न बघत असताना जुन्या प्रियकराला पुन्हा बघून दुहेरी कैचीत सापडलेली चांदनी मनात घर करून राहते . जुदाई ...